Sentyabrın 22-də ETN İqtisadiyyat İnstitutunun “Demoqrafiya və məşğulluq problemləri” və “İqtisadi siyasətin nəzəri əsasları” şöbələrinin birgə iştirakı ilə Nicat Rəşad oğlu Muradlının 5312.01 – “Sahə iqtisadiyyat” ixtisası üzrə “Azərbaycan Respublikası sənayesində iş qüvvəsinin formalaşması və ondan səmərəli istifadə edilməsi” mövzusunda dissertasiya işinin müzakirəsi keçirilib.
N.Muradlı dissertasiya işinin əsas məzmunu ətrafında təqdimatla çıxış edib. Sonra iş üzrə təyin olunmuş rəyçilərin rəyi dinlənilib. İddiaçı rəyçilərin və şöbə əməkdaşlarının ona ünvanlanmış suallarını cavablandırıb. Dissertasiya işi ilə bağlı çıxış edənlər öz fikirlərini, irad və tövsiyələrini bildiriblər, geniş müzakirələr aparılıb (economics.org.az).
