Martın 7-də ETN İqtisadiyyat İnstitutunda 8 Mart - Beynəlxalq Qadınlar Gününə həsr olunmuş tədbir keçirilib.
Tədbiri giriş sözü ilə açan baş direktor, professor Nazim Müzəffərli İnstitutun xanım əməkdaşlarını təbrik edib, onlara ən xoş arzularını çatdırıb, can sağlığı və elmi fəaliyyətlərində uğurlar arzulayıb.
İqtisadiyyat İnstitutunun baş meneceri Şakir Alıyev, Həmkarlar Təşkilatının sədri, dos. Pərviz Həsənov, kadrlar şöbəsinin müdiri Yulduz Əliyeva, professorlar Tərbiz Əliyev, Gülşən Yüzbaşıyeva, Sevda Mikayılova və digər çıxış edənlər Azərbaycan cəmiyyətində aparıcı rola malik qadınların ölkəmizin ictimai-siyasi və sosial-iqtisadi həyatında, təhsil, səhiyyə, elm və mədəniyyət sahələrində fəal iştirakından, nailiyyətlərindən danışıblar. Ailə institutunun möhkəmlənməsində xanımların rolunun mühüm olduğunu xüsusilə qeyd ediblər.
Qeyd edək ki, 8 Mart - Beynəlxalq Qadınlar Günü münasibəti ilə İqtisadiyyat İnstitutunun xanım əməkdaşlarına pul mükafatı verilib.
Əziz və hörmətli qadın əməkdaşlarımız!
Sizi, bütün Azərbaycan qadınlarını 8 mart – Beynəlxalq Qadınlar günü münasibətilə səmimi qəlbdən təbrik edirik, hər birinizə cansağlığı, ailə səadəti və işlərinizdə müvəffəqiyyətlər arzulayırıq.
Qəlbinizdən məhəbbət, üzünüzdən təbəssüm, gözlərinizdən sevinc əksik olmasın!
Bayramınız mübarək!
